Emigrantët/ Meloni: Shpresoj që marrëveshja me Shqipërinë do kthehet në shembull për BE-në

 

 

 

"Vendet tona janë dy vende mike, janë vende që historikisht kanë bashkëpunuar së bashku dhe do doja të falënderoja z.Rama, gjithë popullin shqiptar, për mundësinë dhe ndihmën që na dhanë për të realizuar këtë marrëveshje, që unë shpresoj të jetë një shembull për BE-në. Qeveria shqiptare s’ka bërë gjë tjetër veçse e ka ndihmuar qeverinë italiane. Kemi ndjekur një fushatë denigurese, dhe kemi dëgjuar etiketime sikur qeveria shqiptare është narko-shtet! Do doja t’i thoja kryeministrit Rama që s’është ai shënjestra, italianët e kuptojnë, i janë mirënjohës qeverisë dhe popullit shqiptar. Marrëveshja bazohet në tri objektiva, luftën ndaj trafikut të qenieve njerëzore, emigracionit të paligjshëm. Shqipëria ka vënë në dispozicion disa territore ku Italia po kryen punime për ngritjen e dy qendrave. Është marrëveshje inovative, dhe kur e kemi nënshkruar dëshirova shumë që të shndërrohet në model për vendet e tjera. Struktura e Shëngjinit do kryejë funksionin e mikpritjes së mbërritjes së emigrantëve. Struktura e Gjadrit do ketë edhe një funksion tjetër, aty ku do ndalen emigrantët që do mbërrijnë në Shqipëri dhe do ketë një hapësirë ku do mbahen të burgosurit, nëse do kryejnë vepra penale. Rendi publik brenda qendrave do garantohet nga autoritetet italiane, dhe dy qendrat do jenë operative nga 1 gushti 2024. Elementi kryesor i marrëveshjes është që mund të jetë një mjet për të penguar emigrantët që të mbërrijnë në brigjet tona, në brigjet e Europës”.