Struktura e ekonomisë shqiptare dominohet tërësisht nga bizneset e vogla që numërojnë 1 deri në 4 punonjës, ndërkohë që thuajse 100 mijë nga rreth 230 mijë subjekte, janë thjesht fermerë të pajisur me nipt.
Eksperti i ekonomisë Pano Soko, thotë se nëse i referohemi strukturës se biznesit, shifra është te 130 mijë biznese të cilat regjistrohen për hir të rregullimit fiskal.
Nëse i referohemi të dhënave zyrtare patjetër që numri i nipt-ve, të entiteteve ekonomike të regjistruara është diku se 230 mijë por kur i referohemi të dhënave dhe kur i referohemi strukturës së biznesit në Shqipëri, shifra e përmendur është diku te rreth 130 mijë.
Le te themi se në diskursin tonë të përditshëm i kemi zbritur nipte-te fermerëve duke mos i konsideruar ato si bizneseve të mirëfilltë por janë entitete biznesi të cilat për hir të biznesit fiskal do të duhej që të regjistrohen dhe ata.
Dhe kjo e gjitha bëhet për hir të rregullimit fiskal, jo se ata konsiderohen nga pikëpamja e ekonomisë si biznes i mirëfilltë siç kundër konsiderohen 130 mijë të tjerët që janë iniciativa të lira, biznese të fushave të ndryshme.
Realisht dhe kjo shifra që ju përmendni, fakti se janë 90 e ca mijë fermer është bërë për të pasur një regjistër fiskal të fermerëve që kanë te drejtat e tyre fiskale, qe te kenë një shenjë në regjistrin e tyre fiskal dhe kjo është arsyeja.
Soko, konsideron se nga bizneset e vogla aty nis lufta e tregut kapitalist në Shqipëri.
Dikush që nuk ka një biznes, në momentin që do të hapi, do dojë të futet në botën e iniciativës së lirë, natyrisht që do të futet si biznes i vogël.
Tani problemi është se lufta e vërtet ndodh aty. Pjesa më e madhe mbetet aty, një pjesë dështojnë dhe një pjesë arrijnë që të ngadhënjejnë duke arritur të shkojnë nga një biznes i vogël në të mesëm, pastaj te ai i madh.
I gjithë ky filtër i madh është për shkak të sistemit. Pra, sistemi kapitalist, tregu i lirë filtron jashtëzakonisht shumë, jo të gjithë arrijnë të ngjisin shkallët e karrierës ekonomike që kalon nga një biznes të vogël në atë të madh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
