Presidenti i SHBA-ve, Donald Trump, nënshkroi të premten një urdhër ekzekutiv që e riemërton Departamentin e Mbrojtjes në “Departamentin e Luftës”.
Ky veprim është pjesë e planit më të gjerë të Trump për të projektuar forcën në skenën botërore dhe për të pastruar ushtrinë nga ajo që ai e ka quajtur "ideologjia woke".
Departamenti fillimisht quhej Departamenti i Luftës që nga themelimi i tij në vitin 1789 deri në vitin 1947, kur Presidenti i atëhershëm Harry Truman e riemërtoi atë si pjesë e një riorganizimi pas Luftës së Dytë Botërore.
Emri i ri “siguron më mirë paqen përmes forcës, pasi tregon aftësinë dhe gatishmërinë tonë për të luftuar dhe për të fituar luftëra në emër të Kombit tonë në çdo moment, jo vetëm për t’u mbrojtur”, thuhej në urdhrin e Trump.
"Mendoj se kjo dërgon një mesazh fitoreje", tha presidenti në Zyrën Ovale. Sipas AP, Kongresi duhet ta miratojë ndryshimin. Ndërkohë, Trump ka autorizuar Sekretarin e Mbrojtjes Pete Hegseth që të quhet sekretar i luftës. Faqja e internetit e Pentagonit tani është war.gov dhe tabelat e zyrave për Hegseth janë përditësuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
