Policia e Tiranës ka ndaluar sot dy persona që kanë qenë pjesë e protestës së zhvilluar ditën e djeshme para Bashkisë Tiranë.
M.H, një 31-vjeçar nga Laçi është ndaluar për veprat penale “Goditjet për shkak të detyrës”, “Prishja e qetësisë publike”, “Shkelja e rregullave mbi lëndët plasëse dhe djegëse”, dhe “Shkatërrimi i pronës me zjarr”. Ndërkohë është proceduar në gjendje të lirë 61-vjeçari nga Tirana i identifikuar me inicialet Xh.V, për veprën penale “Prishja e qetësisë publike”.
Kujtojmë se ditën e djeshme ishte protesta e katërt e mbajtur nga opozita dhe Aleanca për Mbrojtjen e Teatrit, para Bashkisë Tiranë për të kërkuar largimin e Veliajt si kryebashkiak. Në protestën e djeshme nuk munguan molotovët si dhe përplasjet me policinë, ndërsa u premtua për protesta pa afat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
