131 votues shqiptarë në një ishull vullkanik në Atlantikun Jugor, Celibashi sqaron gabimin

<p>Në studion e emisionit “Të Pakespozuarit”, Komisioneri Shtetëror i Zgjedhjeve, Ilirian Celibashi, u pyet për rastin e 131 votuesve shqiptarë të regjistruar në Shën Helenë, një ishull vullkanik tropikal, i vendosur në Oqeanin Atlantik Jugor.</p> <p>Celibashi tha se në Shën Helenë rezulton vetëm një shqiptar i regjistruar, ndërsa të tjerët janë ngatërruar në momentin e regjistrimit, pasi janë me banim në Britani, nën varësinë e të cilës është ende ishulli. &nbsp;</p> <blockquote> <p><em>Është një votues i vetëm në Shën Helenë. Kur kanë zgjedhur shtetin ata që janë në Britani, kanë ngatërruar flamurin. Adresat e deklaruara në sistemin tonë janë adresa të Londrës. 131 votues. </em></p> <p><em>E korrigjuam në sistem. Adresat ishin në Mbretërinë e Bashkuar, Londër, Manchestern. Këto fletë votimi do t’u shkojnë në Londër. </em></p> </blockquote> <p>Celibashi tha se vështirësi po haset me votuesit në Iran dhe në Rusi.</p> <blockquote> <p><em>Kemi një problem të vogël me Rusinë dhe me Iranin. Kemi 1 në Iran dhe 4 në Rusi, do shohim si do ta zgjidhim. </em></p> </blockquote>