Këngëtari Elton John thotë se ka pasur vështirësi për të parë muzikalin e tij të ri, sepse ka humbur shikimin pasi ka marrë një infeksion.
Kantautori mori pjesë në natën e hapjes së “Djalli vesh Prada” në Londër të dielën dhe iu tha të pranishmëve se “Nuk kam mundur të vij më parë sepse siç e dini, kam humbur shikimin. ”
Është e vështirë për mua ta shoh, por më pëlqen ta dëgjoj dhe tingëllonte mirë sonte.
Këngëtari 77-vjeçar, zbuloi në muajin shtator se një infeksion e kishte lënë atë me shikim të kufizuar në njërin sy.
Ai shkroi në Instagram se është duke u shëruar, por se është një proces jashtëzakonisht i ngadaltë dhe do të duhet pak kohë para se shikimi të kthehet në syrin e prekur.
John shkroi partiturën për “Djalli vesh Prada”, një muzikal skenik i bazuar në filmin e vitit 2006 për një gazetare të re që lundronte në magjepsjen dhe egon e një reviste të modës me shkëlqim.
Galaja e së dielës, një mbledhje fondesh për Fondacionin Elton John AIDS, u ndoq nga të famshëm dhe figura të industrisë së modës, duke përfshirë stilisten Donatella Versace dhe ish-redaktoren e Vogue Anna Eintour.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
