Gjykata e Tiranës ka shpallur sot fajtorë dhe ka dënuar me 400 mijë lekë gjobë dy mjekët e spitalit “Koço Gliozheni”, Petrit Rexhepi dhe Elena Burba.
Ata akuzohen për mjekim të pakujdeshëm, me pasojë vdekjen e Doriana Hakës, bashkëshortes së portierit të Partizanit, Alban Hoxha.
Prokuroria e Tiranës kishte kërkuar 5 vite burg për gjinekologun Rexhepi dhe anestezisten Burba.
Sipas prokurorisë, ekspertiza mjekoligjore përcaktoi se pakujdesia dhe neglizhenca e dy mjekëve, që operuan gruan, sollën komplikacione që më pas i shkaktuan asaj vdekjen.
25 – vjeçarja Doriana Haka ndërroi jetë në Nëntor të 2014 -ës, pak ditë pasi lindi një fëmijë, për shkak se nuk kishte marrë mjekimet e nevojshme nga stafi mjekësor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
