<p>Avokati Arbër Hoxha thotë se reforma në drejtësi na nevojë të rishikohet, duke mos prekur Prokurorinë e Posaçme.</p> <blockquote> <p><em>Duke qenë se prokuroritë e rretheve nuk janë në lartësinë e situatës, vëmendja më e madhe transferohet në Prokurorinë e Posaçme. Prokuroria është në punën e saj. Unë nuk kuptova strategjinë e SPAK në raport me pushtetin legjislativ. Është frika mos ndryshohet Kodi i Procedurës Penale. Kjo frikë është e legjitimuar duke qenë se ka pasur tentativa për ta vendosur brenda një kornize Prokurorinë e Posaçme. Mbetet për t’u parë pas zgjedhjeve të 11 majit. Reforma në drejtësi ka dështuar. Ka kolapsuar dhënia e drejtësisë për qytetarët. Një qytetari i duhen 10 vjet të marrë drejtësinë. Reforma duhet rishikuar, por Prokuroria e Posaçme nuk duhet të preket. Duhet të ngrihet pragu. 10 milionë lekë të vjetra e lart të konsiderohet korrupsion. Kemi pasur raste konkrete për 2 milionë lekë të vjetra dhe merret prokuroria e posaçme për këto raste. Ka nevojë për ndryshim, ngritje të pragut dhe stekës. </em></p> </blockquote> <p>Duke u ndalur te rasti i kryebashkiakut Veliaj, Hoxha tha në studion e MCN Informacion se përgjimet e tij në burg treguan se ai është keqkëshilluar për raportet me SPAK-un.</p> <blockquote> <p><em>Si është mundur të përgjohet Veliaj si një diletant. Si mbrojtja nuk ka mundur ta këshillojë që të qëndronte gojëkyçur. Është i keqkëshilluar në të gjitha aspektet në raport me SPAK. </em></p> </blockquote> <iframe width="560" height="315" src="https://www.youtube.com/embed/niOaIxac98U?si=CPJmfqAaJO0DHX38" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
