Një person i shpallur në kërkim, i dënuar për drogë, ka rënë në prangat e policisë së Fierit.
I arrestuari është Gentian Guda, 53 vjeç, banues në Vlorë, i cili u kap gjatë së mërkurës, pas informacioneve të marra në rrugë policore për vendndodhjen e tij.
53-vjeçari është dënuar nga Gjykata e Shkallës së Parë për Krimet e Rënda Tiranë me 10 vjet burg, për veprën penale “Trafikimi i lëndëve narkotike”.
Por me vendimin e 29 shtatorit 2021, dhënë nga Gjykata së Apelit Vlorë, i kanë mbetur për të kryer edhe 2.4 vjet burgim.
Në vitin 2015, Gentian Guda është kapur në portin e Vlorës, duke tentuar të trafikojë një sasi lëndë narkotike marijuanë në shtetin italian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
