Princesha Eugenie u bë nënë për herë të parë dhe doli sot nga materniteti për të filluar jetën e re me bashkëshortin e saj Jack, si prindër. Ajo u fotografua e ulur në pjesën e pasme të makinës, ku qëndronte bashkë me djalin e sapolindur, ndërsa bashkëshorti ishte drejtuesi i mjetit.
Ajo buzëqeshi dhe përshëndeti fotografët ndërsa largohejnga materniteti, ku solli në jetën fëmijën tre ditë më parë.
Dhe Eugenie dëshmoi se edhe princeshat dhe dukeshat janë gra si gjithë të tjerat, duke thyer kështu imazhin e trashëguar nga Princeshë Diana, më pas te Kate Middleton apo edhe Meghan Markle. Të tre nënat e reja sapo dilnin nga materniteti pas lindjes shfaqnin një fizik mahnitës, pamje shumë të kuruar dhe asnjë shenjë nga shtatzënia.
Ndryshe shihet me Princeshë Eugenie, e cila kishte zgjedhur një veshje komode, fustan me kuadrate dhe pallto kamel, dukej barku i rrumbullakosur, disa kilogramë të shtuar nga shtatzënia, flokët jo perfektë dhe një makijazh shumë natyral.
Disi e lodhur nga fuqia që mbart sjellja në jetë e një fëmije, por mbi të gjitha, dukej e lumtur!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
