Në ambientet e Pallatit të Kongreseve u bë ceremonia e ndarjes së çmimeve në Panairin e Librit 2019.
Çmimi parë “Autori më i mirë i vitit” ka shkuar për shkrimtarin Besnik Mustafaj me librin “Dëmtuar rrugës”.
Për përshkrimin plot realizëm dhe ironi të hollë të një periudhe dramatike, ende të pranishme dhe të gjallë në mendjet e njerëzve; ravijëzimin plot ritëm poetik, estetik dhe të besueshëm të personazheve dhe rrëfimin transparent të zvetënimit të individit në një shoqëri totalitare.
Lidhur me këtë vlersim, autori Mustafaj u shpreh se: "Jam shumë i nderuar, unë dua të falenderoj ideatorët dhe organizatorët. E konsideroj këtë çmim si një vertëtim të vendimit tim për të lënë politikën e për të iu përkushtuar letërsisë".
Çmimi përkthim më i mirë jepet nga anëtari i jurisë Parid Teferici dhe me këtë çmim u vlerësua Korab Hoxha përkthyesi më i mirë. Me përkthimin e librit me poezi dhe proza të shkurtra të autores Marina Svetajeva.
Cmimi Letërsia e Memories jepet nga anëtari jurisë Agim Baci dhe i është dhënë autorit autorit Lek Tasi.
Çmimi i posaçëm që jepet nga Ambasada Franceze për përkthimin më të mirë frëng i është dhënë Saverina Pasho me librin e Millan Kunderës “Lehtësia e Padurueshme e Qenie”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
