Një qytetar kinez i dënuar me vdekje për masakrimin e një familjeje në vitin 2003 u var sot në Japoni.
Ky është ekzekutimi i tretë në vend, pas dy të tjerëve që u zhvilluan gushtin e kaluar, dhe i pari i autorizuar nga Ministri i Drejtësisë Masako Mori që kur ai mori drejtimin e dikasterit tetorin e kaluar.
Agjensia e lajmeve “Kyodo”, duke përmendur Ministrinë e Drejtësisë, e identifikoi burrin e varur si Wei Wei, 40 vjeç. Ai ishte shpallur fajtor dhe dënuar për therjen e një familjeje me katër anëtarë: nënën, babanë dhe dy fëmijët, në Fukuoka, në jugperëndim të Japonisë, pasi kishte hyrë në shtëpinë e tyre për të kryer një vjedhje. Krimin e kreu në bashkëpunim me tre bashkatdhetarë, me të cilët zhduku trupat e viktimave të tyre, duke i hedhur në ujërat e portit. Dënimi me vdekje për Wei Wei u dha në vitin 2011. Në Japoni, të dënuarit me vdekje informohen për ekzekutimin vetë në ditën kur ai është vendosur të kryhet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
