Një tërmet me magnitudë 6.1 goditi Japoninë veriore të martën pasdite, sipas Agjencisë Meteorologjike Japoneze (JMA), por pavarësisht lëkundjeve sizmike nuk u dha asnjë paralajmërim për cunami.
Goditja u regjistrua në orën 18.18 me orën lokale (11.18 me orën tonë) në prefekturën veriore të Aomorit në një thellësi prej 20 kilometrash.
Tërmeti u ndje gjithashtu në ishullin Hokkaido. Kanali televiziv publik NHK raportoi se nuk ishte lëshuar asnjë paralajmërim për cunami.
Tërmetet janë të zakonshme për Japoninë, e cila ndodhet në “Unazën e Zjarrit” të Paqësorit, një hark aktiviteti intensiv sizmik që shtrihet në Azinë Juglindore dhe në të gjithë pellgun e Paqësorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
