Situata e vështirë e krijuar në të gjithë vendin për shkak të temperaturave të ulëta, borës dhe ngricave nuk gjen pasqyrim në faqet zyrtare të institucioneve përgjegjëse.
Nëse bën një kërkim në faqen e Ministrisë së Brendshme, njoftimet e fundit nuk kanë të bëjnë me situatën e motit.
Po ashtu, faqja zyrtare e ARRSH ka mbetur ende në datën 4 janar, kur është postuar njoftimi i fundit mbi gjendjen e rrugëve.
Ministria e Mbrojtjes është pak më interaktive me përditësimin mbi situatën.
Ditën e sotme, aty është postuar një deklaratë për mediat e ministres Olta Xhaçka në lidhje me situatën e krijuar nga moti i keq.
Ndërkohë, njoftimi i fundit i kësaj natyre i përket datës 3 janar.
Përveç njoftimeve të shpërndara në media, të cilat raportojnë mbi situatën orë pas ore, vetë institucionet përgjegjëse e neglizhojnë pasqyrimin e saj në faqet e tyre zyrtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
