Numri i të infektuarve në botë me koronavirus i ka tejkaluar 200 000 persona, me një total prej mbi 8000 vdekjesh.
Të dhënat u publikuan në buletinin e fundit të universitetit “Johns Hopkins”.
Numri i të infektuarve sa vjen e rritet: njoftohen 201 436 të prekur dhe gjithsej 8 006 të vdekur.
Lajmërohet se deri më tani janë shëruar 82 032 persona gjithsej.
Në këtë mënyrë, numri i vdekjeve nga koronavirusi në Europë për herë të parë e kalon atë të Azisë, sipas një përllogaritjeje që ka bërë AFP-ja.
Në Evropë ka deri tani të paktën 3 421 viktima, ndërsa në Azi, ku Kina ishte epiqendra e asaj që më pas u kthye në pandemi globale ka 3 384 të vdekur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
