Beteja zgjedhore është ndezur në Britani. Laburistët e majtë përballë konservatorëve të djathtë kanë nisur fushatën shtëpi më shtëpi, ndërsa fokusi është te emigracioni dhe ekonomia.
Nga zona zgjedhore e ish-kryeministrit konservator Boris Jonson, lideri laburist Keir Starmer tha se ka ardhur koha për ndryshim dhe ripërtëritje kombëtare.
Nuk është e nevojshme të kesh qenë gjithnjë mbështetës i laburistëve që të votosh për një ripërtëritje kombëtare që ka nevojë vendi. Njerëzit nuk i pëlqejnë politikat e ekstremit të djathtë apo të majtë, ndaj qendra është vendi ku janë pozicionuar shumica e njerëzve. Si komb, në përgjithësi, ne jemi mjaft i arsyeshëm, tolerantë dhe centrist në politikë. Britanikët duan që familjet dhe vendi të përmirësohen dhe të bëjnë përparim.
Nga ana tjetër dhe Kryeministri në detyrë Rishi Sunak ka ndezur gjithashtu motorët e fushatës konservatore.
Keir Starmeri do që ju të besoni se zgjedhjet kanë përfunduar pa filluar akoma. Nuk është kështu. Do punoj çdo ditë e më shumë që të fitoj besimin tuaj, sepse popullit britanik nuk i pëlqen të merret si i mirëqenë. I keni parë problemet e brendshme të laburistëve. Imagjinoni çfarë vendimesh do marrin ata për taksat, kërkesat sindikale si dhe për sigurinë dhe mbrojtjen tonë.
Këtë javë u shpërnda parlamenti britanik dhe zgjedhjet janë dekretuar për në datën 4 korrik. Sondazhet tregojnë se Laburistët mund të kthehen bindshëm në pushtet pas 14 vjetësh qeverisjeje konservatore.
Në projeksionet e medieve britanike, laburistët marrin rreth 303 deputetë në zgjedhjet e radhës ndërsa konservatorët shkojnë në të njëjtat kuota me liberal demokratët, më të ulëtat ndër dekada.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
