Kryeministri Edi Rama ka deklaruar se Shqipëria po vijon të fuqizojë kapacitetet testuese, ndërkohë që po vazhdon edhe puna e epidemiologëve në terren.
Nëpërmjet një video Rama tregon se po vijon puna në terren për hetimin epidemiologjik të rasteve të reja për të siguruar në kohë testimin e të dyshuarve me Covid.
Postimi i plotë i Kryeministrit
MIRËMËNGJES
me respektin për skuadrat e epidemiologëve ku që prej javës së parë kur pandemia u shfaq në vendin tonë, janë në terren, 24 orë në 7 ditë të javës, duke zgjeruar e thelluar hetimin epidemiologjik në të gjithë vendin për të siguruar testim në kohë dhe të sigurt për qytetarët shqiptarë.
Shqipëria ndërkohë vijon të fuqizojë kapacitetet e testimit, ku krahas metodës me PCR, tashmë po aplikohen edhe testet e shpejta për COVID 19, për të shkëputur sa më shumë të jetë e mundur, zinxhirin e transmetimit të virusit, përmes gjurmimit dhe izolimit të rasteve pozitive.
Punë të mbarë dhe faleminderit
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
