Benyamin Netanyahu do të ftohet së shpejti në Shtëpinë e Bardhë

Kryeministri izraelit Benyamin Netanyahu do të ftohet së shpejti në Shtëpinë e Bardhë nga Presidenti Joe Biden.

Një deklaratë e tillë u bë nga ambasadori amerikan në Izrael, Tom Nides gjatë një interviste.

Unë besoj se do të jetë i ftuar pas Pashkëve. Nuk ka dyshim se ai do të takohet me Biden. Ata janë miq prej 40 vitesh.

Që nga fitorja në zgjedhjet e nëntorit të kaluar, kjo është hera e parë që flitet për një udhëtim të Kryeministrit izraelit në SHBA.

Një ditë më parë Netanyahu shtyu reformën në drejtësi në emër të “përgjegjësisë kombëtare” dhe për të shmangur “një luftë civile”, por ai e la ligjin në tryezë duke ftuar opozitën në dialog për të bërë rregullimet e nevojshme.