Kandidati republikan për Shtëpinë e Bardhë, Donald Trump paraqet një “New deal” për të zinjtë amerikanë gjatë një mitingu në Karolinën e Veriut, ku miliarderi shpjegoi se projekti i tij bazohet në tre premtime që janë, komunitete të sigurta, shkollimi dhe një e ardhur e ndarë në mënyrë të drejtë.
Në shpresën për të pushtuar pëlqimin e votuesve, formula e tij synon të rivitalizojë zonat urbane të varfëruara nga kriza, duke ofruar subvencione për ato sipërmarrje që transferohen në komunitetet e degraduara.
“Do të jem kampioni juaj. Nuk do ta paragjykoj kurrë komunitetin afroamerikan”, theksoi Trump në qytetin Charlotte, para një publiku kryesisht të bardhë.
Ai kritikoi gjithashtu faktin se numri i vrasjeve në nivel kombëtar është më i lartë tek persona mbi 45 vjeç, duke theksuar se “disa qendra urbane janë më të rrezikshme se sa zonat e luftës”.
Në fakt mbështetja e komunitetit afroamerikan ndaj kandidatit republikan është shumë i ulët, madje edhe më i ulët se gjashtë për qind që kishte arritur Mitt Romney në vitin 2012.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
