Kalaja: Nesti Angoni është një nga drejtorët e arrestuar të Veliajt (VIDEO)

<p>Avokatja Adriana Kalaja thotë se kallëzuesi i kryebashkiakut Erion Veliaj në SPAK mund të jetë një prej bashkëpunëtorëve të ngushtë të tij. Kalaja tha në studion e MCN se pas emrit të Nesti Angonit mund të jetë njëri prej drejtorëve të arrestuar të Bashkisë së Tiranës.</p> <blockquote> <p><em>Prova e mjaftueshme që të niste hetimi në kohë rekord. Thashetheme ka plot, informacione ka plot. E rëndësishme është se nuk ka rëndësi kallëzimi penal. Në kuadrin e informacioneve, më kanë thënë që pas Nesti Angonit qëndron një nga ish-drejtorët e Veliajt që sot qëndron në burgun e Fierit. Kjo do të shihet në vijim, por gjasat janë që këtë informacion të rëndësishëm që i është vënë në dispozicion SPAK është nga njerëz që e njohin mirë dhe e dinë çfarë ka bërë. Pra, këto janë deduksione, por edhe këto thashethemet që qarkullojnë është se është dikush… </em></p> </blockquote> <p>Kalaja tha se Veliaj rrezikon deri në 15 vjet burg dhe nuk ka gjasa që masa e sigurimit ndaj tij të ndryshojë. &nbsp;&nbsp;</p> <blockquote> <p><em>Unë i kam bërë thirrje zotit Veliaj dhe i thashë që përveçse nuk shpëton dot, t’i ulen vitet e burgut duke u bërë bashkëpunëtor i drejtësisë. Mbase vonesa dhe siguria që kishte Veliaj që kjo do të ndodhte bëri që t’ia kenë zënë radhën. Nëse ka ndodhur që ndonjë nga ish-bashkëpunëtorët e tij të jetë bërë bashkëpunëtor i drejtësisë, atëherë ai i ka punët keq. </em></p> <p><em>Dy nga pesë ndërtuesit janë kallëzuar nga ne për çështjen e Teatrit. I pari është Gentian Sula. Çdo ndërtuesi të implikuar në çështjen e Teatrit ne i kemi bërë thirrje. Teatri kishte një kosto të pallogaritshme. Thirrjet tona nuk kanë munguar, qoftë ndaj Shkëlqim Fushës, qoftë… është një tender i paracaktuar, janë akorduar 19 milionë euro. Kjo firmë ka vijuar ndërtimin dhe leja ka dalë më pas. Pra, janë absurditete që edhe mendja më djallëzore e pyet veten si mund të bëhet kjo. &nbsp;&nbsp;</em></p> <p><em>Nuk besoj që do të ketë ndryshim të masës së sigurimit. Unë duke njohur integritetin e gjyqtarit Erion Bano, jam e bindur për këtë </em></p> <p><em>Të marrë masat Erion Bani të mos e cojë te 312 se dihet kush e pret atje. Periudhën e paraburgimit të kalojë në Durrës, se po të jetë në Tiranë dhe Fier do të ketë shumë probleme. Ai rrezikon minimalisht 15 vite. </em></p> </blockquote> <p>&nbsp;</p><iframe width="560" height="315" src="https://www.youtube.com/embed/91XHpX38znw?si=CfLZEpoMcZP_oCP_" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>