Putin nuk do të marrë pjesë në samitin e G20, ‘së shpejti’ takim me homologun e tij turk në Rusi

Presidenti rus Vladimir Putin nuk do të marrë pjesë në samitin e G20 më vonë këtë vit në Indi, tha Kremlini të premten.

Zëdhënësi i Kremlinit Dmitry Peskov tha se Putini ka një orar të ngjeshur dhe është i fokusuar kryesisht në luftën në Ukrainë.

Takimi do të mbahet muajin e ardhshëm në Nju Delhi. Nëse Putin do të merrte pjesë personalisht, ai rrezikon të përballet ose të shmanget nga liderët e tjerë botërorë për pushtimin e Ukrainës.

I pyetur nëse Putin mund të marrë pjesë përmes videokonferencës, Peskov tha: "Formati është duke u diskutuar". Putin nuk mori pjesë as në samitin e G20 të vitit të kaluar në Bali, Indonezi.

Presidenti turk Recep Taip Erdogan pritet të vizitojë Moskën dhe të takohet me Putinin "së shpejti", tha Peskov.

Bisedimet mund të zhvillohen në Rusi që në shtator, para samitit të G20, sipas agjencisë shtetërore ruse të lajmeve RIA Novosti.

“Ne do t'ju informojmë së shpejti. Është duke u përgatitur”, tha Peskov, pa dhënë më shumë detaje.

Erdogan ka luajtur një rol të rëndësishëm diplomatik për Turqinë që nga pushtimi i Kremlinit.

Ai është një nga liderët e paktë botërorë që ka folur me Putinin dhe presidentin ukrainas Volodymyr Zelensky që nga fillimi i luftës.