Ka ndërruar jetë në moshën 76-vjeçare, prokurori Kenneth Starr, hetimi i të cilit nxiti një proces shkarkimi të ish-Presidentit amerikan Bill Clinton.
Starr, një ish-gjyqtar dhe avokat në SHBA, vdiq në një spital të Hjustonit të martën për shkak të komplikimeve nga operacioni. Ai u bë i njohur në mbarë SHBA-në pas hetimeve për Clinton.
Kohët e fundit ai shërbeu në ekipin që mbrojti ish-presidentin Donald Trump nga shkarkimi në vitin 2020.
Gjatë kryerjes së hetimit, Starr gjeti prova se Clinton kishte pasur një lidhje me Monica Lewinsky-n. Kjo çoi në fajësimin e Clintonit nga Dhoma e Përfaqësuesve e SHBA-së në vitin 1998.
Më 19 dhjetor 1998, Dhoma e Përfaqësuesve votoi për shkarkimin e Presidentit Bill Clinton me akuzat për dëshmi të rreme dhe pengim të drejtësisë.
Senati e shpalli të pafajshëm Presidentin Clinton më 12 shkurt 1999.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
