Një sondazh austriak ka gjetur që gjysma e emigrantëve të kthyer në Shqipëri duan të largohen sërish. Kryetarja e shoqatës së biznesit të vogël për Tiranën, Blerina Gjyriqi, tha në “Mcn Economy” që te pjesa e emigrantëve të kthyer vitet e fundit ka ndikuar PR në lidhje me Shqipërinë, që ka qenë në masë të tepëruar.
“Ne si popull na prevalon një idealizëm i theksuar, ku te pjesa e emigrantëve të kthyer vitet e fundit ndikon edhe PR, i cili ka qenë në masa të tepëruara në lidhje me Shqipërinë, kundër botës së huaj. PR ka ndikuar te këta shqiptarë, që ndoshta do ishte më mirë për t’u kthyer në vendin tonë. Kam familjarë dhe e shoh që dita ditës duan të kthehen dhe të investojnë në vendin e tyre. Edhe ata që vendosin të kthehen e kanë të pamundur të përshtaten me sistemin tonë.
Marrja e punëtorëve nga India, Bangladeshi shton kostot. Trajnimet e punonjësve varen nga kapacitetet financiare të bizneseve. Ka biznese që s’kanë kapacitete financiare për të rekrutuar punonjës të huaj, pasi kostoja shkon mbi 1 mijë euro”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
