Kurti ka thënë në Klan Kosova se Presidenti i vendit, Hashim Thaçi, deshi të sjellë befasi tek të tjerët për çështjn e transformimit të FSK-së, derisa ka shtuar se Vetëvendosje nuk është e interesuar të befasojë partnerët, por kriminelët.
Tutje, Kurti tha se me qeverisjen e tij, ushtrinë nuk do ta bëjë pa biseduar me Tiranën.
”Iniciativat e mëhershme për formimin e ushtrisë, kanë hasur në murin ndërkombëtar”, ka thënë ai.
”Qeveria jonë nuk do t’i befasojë faktorët ndërkombëtarë, por do ti befasojë kriminelët”, është shprehur Kurti.
”Nuk ka kuptim që ushtrinë e Kosovës ta bëjmë duke befasuar aleatët dhe partnerët tanë”, ka thënë ai.
”Ne Ushtrinë do ta bëjmë me partneritet me Shqipërinë e Kroacinë. Ata e kanë të pasqaruar çështjen e Bosnjës në raport me Serbinë. Absolutisht s’jemi të intersuar ta befasojmë dikë”, është shprehur Kurti, transmeton Klankosova.
”Problemi i Thaçit ishte të befasojë të gjithë, e në fund u pa që nuk ishte aq cështje serioze dhe hoqi dorë prej saj”, ka thënë Kurti.
”Ne do ta bëjmë ushtrinë sic duhet e jo të bëjmë piar me të. Ushtria mund të shpërbëhet brenda natës por jo të bëhet. Nuk mund t’bësh ushtri pa fo0url me Tiranën e pa folur me NATO-n”, ka vlerësuar ai.
”Jam i bindur që Qeveria jonë do të marr kohën e nevojshme e do të fillojmë menjëherë për ndërtimin e Ushtrisë, por ky ndërtim i ushtrisë nuk nënkupton se mund të bëhet nesër”, është shprehur Kurti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
