Ministria ruse e mbrojtjes ka njoftuar një armëpushim në qytetin port të rrethuar të Ukrainës, Mariupol, duke filluar nga mëngjesi i së enjtes, për të lejuar evakuimin e civilëve.
“Që ky operacion humanitar të ketë sukses, ne propozojmë që të kryhet me pjesëmarrjen e drejtpërdrejtë të Komisionerit të Lartë të OKB-së për Refugjatët dhe Komitetit Ndërkombëtar të Kryqit të Kuq”, tha ministria në një deklaratë të cituar nga Agence France-Press të mërkurën.
Korridori humanitar nga Mariupol në Zaporizhzhia, përmes qytetit portual të kontrolluar nga Rusia, Berdiansk, do të hapet në orën 10:00 të mëngjesit. Nga ana e saj Ukraina nuk e ka komentuar këtë njoftim.
Përpjekjet e mëparshme për të vendosur një armëpushim në Mariupol kanë dështuar mes akuzave për keqbesim nga të dyja palët. Rusia është akuzuar gjithashtu se ka zhvendosur me forcë mijëra civilë në Rusi ose në zonat e kontrolluara nga Rusia.
Njoftimi vjen pasi fotot e reja satelitore treguan shkatërrimin e shkaktuar nga granatimet.
Pamjet, të publikuara nga kompania e vëzhgimit të Tokës Maxar, treguan se zonat e banuara janë kthyer në rrënoja dhe theksuan topat e artilerisë ruse në pozicionet e qitjes në periferi të qytetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
