Presidenti ukrainas, Volodymyr Zelensky priti sot në një takim Kryeministrin britanik Boris Johnson, i cili shkoi në Kiev, në një vizitë të pa paralajmëruar.
Zelensky ka ndarë në rrjetet sociale fotografi nga takimi me liderin britanik, duke shkruar:
Kryeministri i Mbretërisë së Bashkuar, Boris Johnson është një nga kundërshtarët e parë të pushtimit rus, lider në presionin e sanksioneve ndaj Rusisë dhe mbështetjen e mbrojtjes së Ukrainës. Mirë se erdhe në Kiev miku im!
Një zëdhënës i Johnson i cituar nga BBC tha se: “Kryeministri ka udhëtuar në Ukrainë për të takuar personalisht Presidentin Zelensky, në shenjë solidariteti me popullin ukrainas. Ata do të diskutojnë mbështetjen afatgjatë të Mbretërisë së Bashkuar për Ukrainën dhe Kryeministri do të përcaktojë një paketë të re ndihme financiare dhe ushtarake.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
