Avionët dhe anijet ushtarake australiane janë vendosur në dispozicion për të ndihmuar shërbimet e urgjencës në zonat e shkatërruara nga zjarri në Victoria dhe New South Wales.
"Ne fjalë për fjalë kemi qindra, mijëra njerëz lart e poshtë bregdetit, të cilët strehohen në plazhe", tha Shane Fitzsimmons, komisioneri i Shërbimit Zjarrit Rural të Uellsit të Ri Jugor.
Kryeministri Scott Morrison dhe Ministrja e Mbrojtjes Linda Reynolds ranë dakord të dërgojnë aeroplanë dhe anije me kërkesë të qeverisë. Forcat Australiane të Mbrojtjes do të dërgojnë helikopterë Black Haëk dhe Chinook, avionë dhe anije detare në Victoria dhe New South Wales. Ushtria do të sigurojë ndihmë humanitare dhe, nëse është e nevojshme, të bëhen evakuimet në ditët e ardhshme. SHBA-së dhe Kanadasë u është kërkuar të sigurojnë "burime të specializuara aeronautike". Në mesazhin e tij për Vitin e Ri, Morrison paralajmëroi se muajt në vazhdim "do të jenë ende të vështira".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
