Kina pritet të kufizojë dhënien e vizave për shtetasit amerikanë që kanë lidhje me grupet antikineze. Një masë e tillë vjen pas kufizimeve të ngjashme që ShBA-të kanë ndërmarrë për shtetasit kinezë, në një kohë kur marrëdhëniet mes dy vendeve vijojnë të acarohen.
Ministria e Sigurisë Publike e Kinës ka hartuar prej muajsh një strategji të re që parashikon reduktimin e shtrëngimin e procedurave të vizave për çdo të punësuar, ose të sponsorizuar, nga shërbimet e inteligjencës amerikane dhe grupet e të drejtave të njeriut.
Ndryshimet e propozuara pasojnë prezantimin e rregullave të ngjashme nga pala amerikane kundrejt studiuesve të huaj.
Rregullat kineze do të mandatojnë hartimin e një liste të institucioneve ushtarake amerikane dhe institucioneve dhe grupeve të të drejtave të lidhura me CIA, dhe shtimin e punonjësve të tyre në një listë të zezë vizash, sipas burimeve, që kanë folur për Reuters.
Kufizimet vijnë pas shqetësimit të shtuar në Pekin, se Shtetet e Bashkuara dhe qeveritë e tjera po përdorin organizata të tilla për të nxitur protesta antiqeveritare në Kinë dhe në Hong Kong.
"Plani është diskutuar gjerësisht nga oficerët e lartë të policisë gjatë muajve të fundit, por ka më shumë të ngjarë të zbatohet pas protestave të Hong-Kongut dhe ndalimit të vizave amerikane për zyrtarët kinezë, një hap që u ndërmor në maj të këtij viti", tha burimi.
Administrata Kombëtare e Emigracionit të Kinës, e cila vepron nën Ministrinë e Sigurisë Publike, nuk është përgjigjur ende në lidhje me këtë kërkesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
