75 vjet nga çlirimi i kampit të vdekjes, video që tregon përmasat e Aushvicit (VIDEO)

Sot shënohet Dita Ndërkombëtare e Përkujtimit të Holokaustit.

Miliona viktima të gjenocidit të Gjermanisë naziste gjatë Luftës së Dytë Botërore përkujtohet në këtë ditë.

Asambleja e Përgjithshme OKB-së caktoi 27 janarin si Ditën Ndërkombëtare të Përkujtimit të Holokaustit, datë e cila përkon me përvjetorin e çlirimit të kampeve të vdekjes Aushvic-Birkenau në vitin 1945.

Videoja e mëposhtme, e realizuar nga BBC-ja në vitin 2015, tregon përmasat e kampit të vdekjes në Poloni.

I mbrojtur nga UNESCO-ja si vend i trashëgimisë botërore, kampi vizitohet çdo vit nga mijëra njerëz, mes të cilëve edhe të mbijetuar të planit nazist për shfarosje.

Më shumë se 1 milion të burgosur, pjesa më e madhe e të cilëve hebrej, u ekzekutuan në kampin e shfarosjes mes viteve 1940-1945.