Pas dy javësh luftë me flakët, sot Parku Kombëtar i Llogarasë është jashtë çdo rreziku, ka bërë të ditur Administrata Rajonale e Zonave të Mbrojtura në Vlorë.
Ky institucion shpreh mirënjohje për të gjitha forcat e angazhuara në kontrollin dhe shuarjen e zjarrit në këtë Park nacional.
“Falenderojmë Forcat e Armatosura, zjarrfikësit, Agjencinë e Mbrojtjes Civile, dhe padyshim ministrin e Mbrojtjes, Niko Peleshi dhe Prefektin e Qarkut Vlorë për koordinimin e operacionit dhe angazhimin përtej detyrës. Falenderojmë në mënyrë të veçantë edhe banorët e Dukatit që ju bashkuan përpjekjeve për shuarjen e zjarrit. Më në fund prej dy javësh zona merr frymë lirisht”, shprehet Administrata Rajonale e Zonave të Mbrojtura Vlorë.
Zjarri që përfshiu pjesën perëndimore të gadishullit, kërcënoi Parkun Kombëtar të “Llogorasë” dhe pas dy javësh mundi dhe sakrificash të qindra punonjësve u bë e mundur që të shuhen të gjitha vatrat e zjarrit në Karaburun.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
