Komisioni Qendror i Zgjedhjeve, sot vendosi të miratojë kërkesën e OSBE/ODIHR, për akreditimin e 32 vëzhguesve afatgjatë, për vëzhgimin e procesit zgjedhor për organet e qeverisjes vendore, të datës 30 qershor 2019.
KQZ gjithashtu vendosi të miratojë kërkesën e Koalicionit për Reforma, Integrim dhe Institucione të Konsoliduara (KRIIK Albania) për akreditimin e 11 vëzhguesve afatgjatë, për vëzhgimin e procesit zgjedhor për organet e qeverisjes vendore, të datës 30 qershor 2019.
KQZ vendosi shtyrjen e vendimmarrjes për caktimin e disa qendrave të votimit në ndërtesa private, për zgjedhjet për organet e qeverisjes vendore të datës 30 qershor 2019.
Gjithashtu, pas hedhjes së shortit dhe relatimit të kërkesës ankimore, KQZ vendosi pranimin e kërkesës së subjektit “Bindja Demokratike”, me objekt ‘Kundërshtimi i vendimit të KZAZ-së nr. 46, për mos regjistrimin e kandidatit për kryetar të Bashkisë Elbasan, Merita Xhika, për zgjedhjet për organet e qeverisjes vendore, të datës 30 qershor 2019”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
