Ariton Rama, politolog tha përmes një lidhje “Skype” se situata në RMV pas ngjarjes së rëndë me 59 viktima në Koçek është alarmante dhe se të gjithë qytetarët ndodhen në panik.
Sipas Ramës po shqyrtohet që ngjarja të Koçek të konsiderohet si fatkeqësi e niveleve më ndërkombëtare.
Situata është alarmante dhe ndihet në çdo cep të vendit. Ndihet paniku.
Po trajtohet dhe nga Ministria e Punëve të Jashtme që të shërbehet në Asamblenë e Përgjithshme të NATO-s për një rast urgjent për ndihma dhe vendet anëtarë të NATO-S sepse RMV është pjesë e aleancës dhe po shqyrtohet që të konsiderohet si fatkeqësi e niveleve më ndërkombëtare.
Është herët të përcaktohet skema e përgjegjësisë reale. Ajo që po dëshmohet nga deklaratat e elitës politike është se janë të gatshëm të reagojnë shpejt. Po flitet për një dokument të falsifikuar për leje veprimi të klubit të natës që ka skaduar prej njëviti dhe kjo përbën shkelje të rëndë.
Ky është rasti i tretë skandaloz brenda 4 viteve. Vendi, institucionet duhet të marrin masa jo vetëm pasi të ndodhin ngjarjet, por para.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
