Kreu i Shtetit, Ilir Meta, refuzoi të përfshihet në debatin për samitin e Minishengenit dhe polemikat që ka hapur lidhur me Kosovën. Megjithatë, në një prononcim për mediat, ai e komentoi këtë nismë me doza ironie.
“Nuk kam asnjë koment paraprak. Çdo takim, çdo iniciativë rajonale është pozitive sidomos kur prodhon më shumë rezultate sesa debate”, tha ai.
Presidenti i Serbisë, Aleksander Vuçiç, dhe kryeministri i Maqedonisë së Veriut, Zoran Zaev, e kanë konfirmuar pjesëmarrjen në këtë samit, ndërsa Kosova e ka refuzuar.
Takimi është i treti në kuadër të minishengenit ballkanik, pas dy të tjerave të mbajtura në Novi Sad dhe Ohër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
