Ministri për Europën dhe Punët e Jashtme, Igli Hasani në një deklaratë të përbashkët për media me homologun e tij ukrainas, Dmytro Kuleba theksoi se ka nisur puna për hapjen e ambasadës shqiptare në Kiev.
Ai u shpreh se Shqipëria mbështet sovranitetin e Ukrainës, ndërsa dënon agresionin rus ndaj saj. Sipas tij, plani me 10 pika i Presidentit Zelenskyy, mundësia më realiste për arritjen e paqes.
Shqipëria mbështet sovranitetin, lirinë, pavarësinë, tërësinë territoriale të Ukrainës. Dënojmë me forcë agresionin rus ndaj Ukrainës. Vijojmë përpjekjet për ta mbajtur Rusinë përgjegjëse për krimet e kryera në Ukrainë. Plani me 10 pika i Presidentit Zelenskyy, mundësia më realiste për arritjen e paqes.
Bashkë me aleatët, të angazhuar për realizimin e Pikës 5, të rivendosjes në tërësi territoriale dhe sovranitetit të Ukrainës. Ukraina, përparësi e punës së Shqipërisë në të gjitha forumet ndërkombëtare. Hapja e Ambasadës tonë në Kiev, shpresojmë brenda këtij viti.
Ndërsa Dmytro Kuleba në fjalën e tij shprehu kënaqësi për vizitën në Tiranë, ndërsa theksoi se diskutuan bashkëpunimin dypalësh mes dy vendeve.
Është mirë të jesh në Tiranë si pjesë e delegacionit që shoqëron presidentin Zelensky. Samiti tregon se sa vlerësim gëzon Shqipëria në rajon. Sot diskutuam bashkëpunimin dypalësh, Shqipëria mike e mirë e Ukrainës, dua ta falenderoj për ndërmarrjen humantiare për rehabilitimin e fëmijëve ukrainas prindërit e të cilëve janë vrarë në luftë. Çdo mbështetje është e vlerësuar.
Më kujtohet me mirënjohje mandati i Shqipërisë në Këshillin e Sigurimit dhe mënyra si keni marrë pjesë në diskutimet për Ukrainën.
Informova ministrin për situatën në front dhe sulmet me dronë e raketa. E rëndësishme që Rusia të mbahet përgjegjëse për krime te agresionit dhe krimet e luftës. Pritshmëritë tona është që një nga rezultatet e samitit të Uashingtonit do jetë që Ukrainë do të jetë një hap më pranë anëtarësimit. Të dashur miq, rroftë Ukraina!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
