Ish-presidenti Bujar Nishani dhe ish-presidentja e Kosovës, Atifete Jahjga, janë shpallur qytetarë nderi nga Komuna e Vitisë, në 20-vjetorin e çlirimit të saj.
Çmimi është dhënë me propozim të kryetarit të kësaj komune, Sokol Haliti, dhe me vendim të kuvendit komunal.
Siç raportojnë mediat e Kosovës, gjatë ceremonisë, Nishani është shprehur se ndihet veçanërisht i nderuar edhe që këtë titull e merr së bashku me ish-presidenten e Kosovës.
“Ma shtoni edhe më shumë këtë nder dhe privilegj pasi më bashkoni edhe mua të nderoj me ju një personalitet si Atifete Jahjaga, zëri dhe imazhi përparimtar dhe civilizues i së cilës i ka bërë nder të madh Kosovës”, ka thënë Nishani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
