Bjellorusia ka urdhëruar disa diplomatë ukrainas që të largohen nga vendi, si dhe ka shpallur synimin e saj për të mbyllur konsullatën ukrainase në qytetin jugperëndimor të Brestit.
Një lajm i tillë raportohet nga agjencia zyrtare e shtypit bjelloruse BeLta, duke cituar fjalët e zëdhënësit të ministrisë së Jashtme bjelloruse, Anatoly Glaz.
Ambasada ukrainase do të vazhdojë të punojë me formatin 1+4, çka do të thotë se do të lejohen ambasadori dhe katër pjesëtarë të stafit.
Ky lajm vjen pasi shtohen shenjat e një përfshirjeje të mundshme të afërt të ushtarëve bjellorusë së bashku me forcat ruse që sulmuan Ukrainën.
Bjellorusia shihet si aleati kryesor i Rusisë, përballë pjesës më të madhe të vendeve që i janë kthyer kundër, madje kanë vendosur edhe sanksione.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
