Tirana ka regjistruar fitoren e parë në kampionat për këtë sezon, teksa ka mposhtur ditën e sotme Egnatian me rezultatin 0-2.
Triumf mes ankthit për bardheblutë, pasi në minutën e 33-të, u regjistrua një episod, që shkaktoi panik në fushën e lojës. Pas një përplasje mes Qefalijes dhe Hamzat, lojtarët e dy skuadrave kërkojnë që të ndërhyjë ambulanca pasi lojtari i bardhebluve ka mbetur në fushë i gjakosur. Ndërhyn ambulanca dhe transporton lojtarin menjëherë në spital.
Ndeshja u pezullua për disa minuta, më pas rinisi sërish, pasi nga spitali u komunikua dhe gjendja e lojtarit është e mirë.
Për sa i përket golave, për Tiranën shënoi Sherif Kallaku në minutën e 14-të dhe Florent Hasani në minutën e 53-të, me këtë të fundit që ia dedikoi golin pikërisht lojtarit të dëmtuar, Qefalijes.
Me këtë fitore, Tirana shkon në kuotën e 4 pikëve, ndërsa Egnatia mbetet pa asnjë pikë në dy javët e para.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
