Fico: Një mbyllje e dytë është alternativa e fundit

Albana Fico, shefja e ISHP-së, gjatë mbledhjes së sotme të Komitetit Teknik të Ekpertëve ka sqaruar zërat që qarkullojnë për një mbyllje të mbundshme.

Fico është shprehur se një mbyllje e dytë për vendin është e parashikuar, duke marrë parasysh kështu skenarët më të rëndë të mundshëm, pork jo do të jetë alternativa e fundit e cila do të vihet në zbatim.

“Të jemi të qartë se kjo është një situatë që vlerësohet në dinamikën e vetë. Sot që flasim, opsioni i mbylljes së Shqipërisë, do ishte versioni i fundit sipas skenarëve. Sa i përket ecurisë së indikatorëve që duhet të masim situatën, jemi akoma në momentin kur ndërhyrjet e bëra do të na lejonin që të vijojmë duke monitoruar situatën.”, tha ajo.

Komiteti Teknik i Ekspertëve ka vendosur ditën e sotme masa të reja parandaluese në kuadër të uljes së numrit të të infektuarve dhe përhapjes së virusit Covid-19.

Masat shtesë:

1. Të ndalohen grumbullimet me më shumë se 10 persona në vende të hapura dhe të mbyllura
2. Të ndalohen mbledhjet partiake dhe tubimet
3. Konferencat, ceremonitë e festave, ceremonitë martesore dhe organizimet përtej familjare të ceremonive mortore, deri në një urdhër të dytë