Kamikazi i ISIS-K i cili kreu sulmin terrorist në aeroportin ndërkombëtar të Kabulit në fund të gushtit duke vrarë 13 amerikanë dhe dhjetëra afganë, ishte liruar nga burgu vetëm disa ditë pasi talebanët morën kontrollin e vendit.
Dy zyrtarët amerikanë si dhe republikani Ken Calvert thanë se ishte informuar zyrtarë të sigurisë kombëtare se sulmuesi ishte liruar nga burgu i Parwan në bazën ajrore Bagram. SHBA kishte kontrollin e bazës derisa e braktisën në fillim të korrikut dhe burgu u ishte dorëzuar autoriteteve afgane në vitin 2013.
Zbulimi tregon kaosin rreth ditëve të fundit të tërheqjes nga Afganistani dhe luftën e Shteteve të Bashkuara për të kontrolluar një situatë që po përkeqësohej me shpejtësi rreth aeroportit.
Burgu Parwan në Bagram, së bashku me burgun Pul-e-Charkhi pranë Kabulit, strehuan disa qindra anëtarë të ISIS-K, si dhe mijëra të burgosur të tjerë kur talebanët morën kontrollin e të dy objekteve orë para se të merrnin kontrollin e kryeqytetit.
Talebanët zbrazën të dy burgjet, duke liruar anëtarët e tyre që ishin burgosur, por edhe anëtarët e ISIS-K.
Njëmbëdhjetë ditë më vonë, më 26 gusht, ishte një nga ata të burgosur që kishte veshur jelekun me bombë Abbey Gate, duke vrarë 13 pjesëtarë të shërbimit amerikan, përfshirë 11 marinsa, një ushtar dhe një marinar.
Që nga e marta, një marins i plagosur në sulm është në një gjendje të rëndë por të qëndrueshme në Qendrën Mjekësore Ushtarake Walter Reed pranë Uashingtonit, thanë Trupat Detare në një deklaratë. Një tjetër marins po merr kujdes në një strukturë të specializuar, ndërsa 16 të tjerë po marrin trajtim ambulator.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
