Një arsye e mirë për të pirë një birrë gjatë ushqimit

E njohur dhe e përdorur gjatë gjithë vitit, por veçanërisht në verë, birra premton freski, shuarjen e etjes si dhe kontribuon në ruajtjen e shëndetit të mirë.

Ashtu si vera, konsumi i moderuar i birrës mund të ofrojë përfitime të rëndësishme për mirëqenien fizike, pavarësisht nga përmbajtja e alkoolit, sipas një studimi të fundit të botuar në Journal of the American Society of Chemistry.

Konkretisht, në studim u përfshin 19 burra të shëndetshëm të cilët u ndanë rastësisht në dy grupe të cilët konsumuan 325 ml birrë, me ose pa alkool me darkën e tyre për katër javë.

Megjithëse në fund të eksperimentit nuk u vunë re ndryshime në peshë, indeks të masës trupore ose tregues biokimikë të shëndetit të zemrës dhe metabolizmit, të dy grupet treguan diversitet më të madh bakterial në mikroflorës e zorrëve dhe nivele më të larta të fosfatazës alkaline, një indeks më i mirë për shëndetin e zorrëve.

Një studim i mëparshëm me pjesëmarrës të të dy gjinive zbuloi se konsumimi i birrës joalkoolike për 30 ditë kishte rritur variacionin në popullatat e mikroflorës së zorrëve, ndërsa një eksperiment i dytë me birrën me alkool në një nëngrup të të njëjtëve pjesëmarrës nuk e kishte këtë efekt.

Studimi nxjerr në pah përmirësimin e konsiderueshëm të shëndetit të zorrëve të meshkujve nga një shishe birre, por meqenëse nuk ka kufi të saktë për konsumimin e sigurt të alkoolit, një version me zero alkool i kësaj pije, mund të jetë një zgjedhje më e mirë.

Trakti gastrointestinal i njeriut është shtëpia e triliona mikroorganizmave që ndikojnë në shëndetin dhe mirëqenien e përgjithshme. Studimet kanë treguar se sa më shumë lloje të ndryshme bakteresh të përbëjnë mikroflorën, aq më e fortë është mbrojtja e trupit ndaj sëmundjeve kronike si sëmundjet e zemrës dhe diabeti.

Birra mund të kontribuojë në shumëllojshmërinë e mikrobeve të zorrëve falë përbërësve të saj si polifenolet dhe mikroorganizmat nga procesi i fermentimit.