Analiza e PD për humbjen e zgjedhjeve të 25 prillit është cilësuar shpesh si moment për të larguar nga kjo parti ata që nuk mbështetën kryedemokratin Lulzim Basha.
Por këto diskutime sipas anëtarit të Kryesisë së PD Enkelejd Alibeaj janë bërë nga njerëz dashakeqës ose nga ata që duan të bëjnë lajme spekulative për verën. I ftuar në MCN TV, Alibeaj tha se analiza ende nuk ka mbaruar dhe se duhet të tregohen ende drejtimet se nga duhet perfeksionuar PD.
“Kushdo që e ka thënë është një dashakeqës ose nuk ka lidhje me PD ose do të bëjë një lajm spekulativ për verën. Analiza ende nuk ka mbaruar, do duhet të tregohen drejtimet se nga duhet perfeksionuar PD dhe në fund gjithkush është i lirë të vendosë”, tha Alibeaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
