Presidenti rus Vladimir Putin e ka përshkruar garën për zgjedhjet presidenciale në SHBA si duke u bërë "gjithnjë e më shumë e pacivilizuar", por ka theksuar se do të ishte e papërshtatshme që Moska të ndërhynte në punët e brendshme amerikane.
Rusia nuk ndërhyn në zgjedhjet e huaja dhe do të punojë me cilindo president të zgjedhur të SHBA-së, tha Putin në një intervistë me gazetarin rus Dmitry Kiselyov, që do të transmetohet nga Rusia 1 dhe RIA Novosti të mërkurën.
"Por ajo që është kurioze është se në vitin e fundit të punës së tij si president, z.Trump, kandidati i sotëm për president, më qortoi për simpatinë për Biden. Kjo është ajo që ai më tha në një nga bisedat: "A doni që Joe gjumashi të fitojë?", citohet të ketë thënë presidenti Trump diku në 2020-ën.
“Dhe më pas, për habinë time, ai [Trump] u persekutua sepse ne supozohej se e mbështetëm atë si kandidat. Epo, është absurditet i plotë”, shtoi lideri rus.
Kur u pyet muajin e kaluar nëse presidenti aktual Joe Biden ose sfiduesi republikan Trump do të ishin më mirë për Rusinë në zgjedhjet e 2024, Putin u përgjigj pa mëdyshje: “Biden. Ai është një person më me përvojë dhe i parashikueshëm, ai është një politikan i stilit të vjetër.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
