Uragani Milton, 16 të vdekur në Florida

<p>Gati 2.5 milionë familje dhe biznese janë pa energji elektrike, dhe zona të tëra të përmbytura për shkak të uraganit Milton.</p> <p>Stuhia mbërriti në bregun e Gjirit të Floridës të mërkurën vonë si një stuhi e kategorisë 3, me erëra të fuqishme që godasin komunitetet ende në panik pas uraganit Helene dy javë më parë, i cili vrau 237 njerëz në të gjithë juglindjen e SHBA, duke përfshirë Floridan.</p> <p>Megjithatë, deri më tani, dukej se tornadot, dhe jo ujërat e përmbytjeve, ishin përgjegjës për shumë nga vdekjet.</p> <p>Të paktën gjashtë persona mbetën të vdekur në kontenë St. Lucie, katër në kontenë Volusia, dy në kontenë Pinellas dhe nga një në qarqet Hillsborough, Polk, Orange dhe Citrus, thanë zyrtarët lokalë.</p> <p>Stuhia rrëzoi linjat e energjisë elektrike, copëtoi çatinë e stadiumit të bejsbollit në Tampa dhe përmbyti shtëpitë, por Florida ia doli të shmangte nivelin e shkatërrimit katastrofik që zyrtarët kishin paralajmëruar.</p> <p>“<em>Stuhia ishte e rëndësishme, por fatmirësisht ky nuk ishte skenari më i keq</em>”, tha guvernatori Ron DeSantis në një konferencë shtypi.</p> <p>Operacionet e kërkimit vijojnë dhe roja bregdetare raportoi shpëtimin spektakolar të një kapiteni të varkës, i cili i shpëtoi stuhisë duke u kapur pas një frigoriferi në Gjirin e Meksikës.</p> <p>"<em>Ky njeri mbijetoi në një skenar makthi edhe për marinarin më me përvojë</em>," tha në një deklaratë Dana Grady, shefe e qendrës komanduese të Sektorit të Rojës Bregdetare të SHBA-së në Shën Petersburg.</p>