Kufizimet ndaj Katarit do të vazhdojnë, pasi ai ka refuzuar ultimatumin e vënë nga fqinjët në Lindjen e Mesme, tha Arabia Saudite.
Që nga mesi i muajit të kaluar, Arabia Saudite, Egjipti, Bahrejni dhe Emiratet e Bashkuara Arabe i kanë ndërprerë të gjitha lidhjet diplomtike dhe të udhëtimit më Katarin, duke e akuzuar Dohan për mbështetje të terrorizmit dhe për afërsi me rivalin rajonal – Iranin.
Katarasit i kanë hedhur poshtë akuzat.
Të mërkurën, ministrat e Jashtëm të katër vendeve arabe, pas takimit në Kajro, thanë se është për keqardhje përgjigjja “negative” e Katarit ndaj kërkesave të tyre.
Riadi dhe aleatët kanë krijuar një listë prej 13 kërkesash dhe i kanë dhënë Katarit disa ditë kohë për t’u përgjigjur.
Në mesin e kërkesave kanë qenë ndërprerja e mbështetjes financiare për terrorizmin, mbyllja e rrjtetit televiziv Al Jazeera, ndërprerja e shumicës së lidhjeve me Iranin dhe mbyllja e një baze ajrore turke.
Ministri i Jashtëm saudit tha se pas refuzimit të kërkesave, Katarit do t’i vihen kufizime shtesë, në përputhje me ligjin ndërkombëtar. / REL /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
