16-vjeçarja iraniane Armita Geravand është ende në koma në spital, e cila të dielën në mbrëmje, sipas grupit kurd të të drejtave të njeriut Hengaw Organizata për të Drejtat e Njeriut, pati një përplasje me policinë e moralit.
Gjithçka sepse ajo nuk mbante shami në kokë dhe gjatë përplasjes me policinë goditi kokën në një shtyllë të vagonit të metrosë.
Hengaw, raporton Iran International, publikoi një fotografi të adoleshentes me kokën e fashuar në njësinë e kujdesit intensiv të spitalit Fajr.
Regjimi mohon versionin që po përhapet me shpejtësi në mediat sociale dhe në mediat iraniane në mërgim, por forcat e sigurisë rrethuan spitalin për të penguar njerëzit të mblidheshin dhe të protestonin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
