Një ditë pas protestës së dhunshme të opozitës, kryeministri Edi Rama ka mbledhur sot në godinën e Qeverisë, titullarët e rëndësishëm të institucioneve ligjzbatuese.
Në takimin e thërritur nga Kryeministri Edi Rama mësohet se veç kryeprokurores, Arta Marku, ka qenë i pranishëm edhe ministrja e Drejtësisë, Etilda Gjonaj, ministri i Brendshëm, Sandër Lleshaj, si dhe shefi i SHISH, Helidon Bendo.
Në qendër të diskutimit mësohet se ka qenë protesta e opozitës dhe dhuna e ushtruar në të nga të dyja palët, edhe protestuesit edhe policia.
Raportohet se kryeministri Edi Rama i ka kërkuar Prokurores së Përgjithshme të Përkohshme që në shkelje të ligjit, hetimi i protestës së PD t’i kalojë Krimeve të Rënda. Mësohet se Arta Marku citohet të ketë thënë që një gjë e tillë tejkalon çdo kompetence ligjore dhe është shkelje flagrante e ligjit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
