Eksperti i ekonomisë, Klodian Muço flet për ndryshim të vazhdueshëm të politikave fiskale ndër vite.
Për MCN Tv ai tha se sot Shqipëria vuan nga pasiguria për të nesërmen dhe se si do jetë situata ekonomike përballë rritjes së inflacionit.
Ai tha se parimisht bie dakord me nismën e qeverisë për tatimin e profesioneve të lira në treg, si audituesit, noterët apo avokatët.
Lidhur me paralajmërimin për dyfishim të gjobave për të gjitha kompanitë që nuk deklarojnë saktë pagat e punonjësve, Muço flet për ndikim negativ në biznes.
Kam përshtypjen se do jetë më tepër pasojë për biznesin se luftë ndaj informalitetin. Kur përmend gjobë ka ndikim negativ si në publik edhe në të bërit biznes.
Kjo kthehet në kosto për konsumatorin final, kjo gjë është lehtësisht e verifikueshme, e pëson konsumatori final.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
