Drejtoria e Përgjithshme e Policisë së Shtetit ka shpallur tenderin me objekt “Blerje pajisje për Policinë e Rendit (matës i nivelit të zhurmës)”, me fond limit 268 milionë lekë. Sipas dokumentave të tenderit bëhet fjalë për blerjen e 26 copëve, me vlerë për njësi 10.3 milionë lekë, për sa më poshtë vijon:
1. Pajisje “Matës i Nivelit të Zhurmave, (set komplet), Klasi I
2. Printer serial, Datalogging. Portativ për pajisjen Matës i Nivelit të Zhurmave
3. Software menaxhimi, Detection Management Softëare
Atëherë Xhadat vendosën të kërkojnë se sa janë çmimet e tregut, gjë të cilën në fakt, duhet ta kishte kryer drejtoria e prokurimeve që po tenderon blerjen e këtyre aparaturave, përpara se të përpilonte dokumentet e tenderit dhe të përllogariste fondin limit.
Dhe ajo që zbuluam ishte se për 5 pajisje çmimi i një seti nga këta që po prokuron drejtoria e përgjithshme e policisë së shtetit është saktësisht 8 milionë e 76 mijë lëkë dhe jo 10.3 milionë.
Por theksojmë që me shumicë çmimi duhet të ulet edhe më shumë, pasi drejtoria e përgjithshme e policisë nuk ka porositur si “Xhadat” 5 sete, por 26, çka sipas një logjike të thjeshtë ekonomike i bie të kenë një çmim akoma edhe më të lirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
