Interesi i Donald Trump për të blerë Groenlandën nuk është shaka, tha Sekretari amerikan i Shtetit Marco Rubio, duke argumentuar se blerja e Grenlandës është në interesin kombëtar të SHBA-së.
Ish-senatori nga Florida vuri në dukje se SHBA-ja ka një marrëveshje mbrojtëse me Danimarkën për të mbrojtur Grenlandën nëse sulmohet.
Nëse ne jemi tashmë të prirur për ta bërë këtë, atëherë mund të kemi më shumë kontroll mbi atë që ndodh atje. Kjo nuk është shaka. Kjo nuk ka të bëjë me marrjen e tokës me qëllim të marrjes së tokës. Kjo është në interesin tonë kombëtar dhe duhet zgjidhur. Ajo që unë mendoj se mund të jeni të sigurt është se katër vjet nga tani, interesi ynë në Arktik do të jetë më i sigurt.
Grenlanda e sheh veten si një vend autonom që është pjesë e Mbretërisë së Danimarkës dhe ka opsionin e shpalljes së pavarësisë sipas Aktit të Vetëqeverisjes së Grenlandës të vitit 2009.
Trump ka kërkuar blerjen e Grenlandës që nga mandati i tij i parë. Ai kohët e fundit refuzoi të përjashtonte mundësinë e forcës ushtarake për të marrë territorin.
Kryeministrja e Danimarkës, Mette Frederiksen, i përsëriti Trumpit në një telefonatë në fillim të këtij muaji "se Grenlanda nuk është në shitje".
Frederiksen ka filluar të kërkojë mbështetje nga vendet e tjera të Bashkimit Evropian dhe NATO-s përballë kërkesave të Trump dhe ajo po përdor kërcënimin e tij për tarifa si një shkak për bashkim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
