Njerëzit në kryeqytetin e Misisipit do humbasin ujin e rrjedhshëm për një kohë të papërcaktuar, tha guvernatori i shtetit dje në mbrëmje. Pompa qendrore në objektin kryesor të trajtimit të ujit të Jackson u dëmtua dhe qyteti ka përdorur pompa rezervë, tha guvernatori Tate Reeves gjatë një konference për shtyp.
Derisa të rregullohet, nuk do të ketë ujë të rrjedhshëm në Jackson, gjë që do të ndikojë deri në 180,000 njerëz. Qyteti nuk do të jetë në gjendje të prodhojë ujë të mjaftueshëm për nevoja serioze, duke përfshirë luftimin e zjarreve dhe tualetet, tha Reeves.
Të gjitha shkollat publike në Jackson do të kalojnë në mësimin virtual të martën për shkak të mungesës së ujit, tha distrikti shkollor.
“Ne do të vazhdojmë të monitorojmë nga afër çdo ditë kushtet e ujit në shkollat tona, ndërsa do të bisedojmë me zyrtarët e qytetit për të përcaktuar se kur nxënësit dhe stafi mund të kthehen me siguri për të mësuar personalisht”, tha distrikti.
Nuk është dhënë asnjë afat kohor se kur do të rregullohet pompa kryesore. Zyrtarët do të shpërndajnë ujë të pijshëm dhe jo të pijshëm për banorët, tha Reeves.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
